දීර්ඝ සැපයුම් කළමනාකරණ පාඨමාලා අංක 10 විසින් සංවිධානය කරන ලද 08 වැනි “සැපයුම් සමුළුව - 2026”, “සමෘද්ධිමත් ජාතියක්, ලස්සන ජීවිතයක්” යන තේමාව යටතේ 2026 මැයි 23 වැනි දින ත්‍රිකුණාමලය නාවික හා සාගරික විද්‍යාපීඨයේ අද්මිරාල් වසන්ත කරන්නාගොඩ ශ්‍රවණාගාරයේදී සාර්ථකව පැවැත්විණි. “තිරසාර සැපයුම් කළමනාකරණය 2030; ඩිජිටල්කරණය, පාරිසරික තිරසාරභාවය සහ විනිවිදභාවයෙන් යුත් සැපයුම් දාම පාලනය හරහා ශ්‍රී ලංකාවේ සැපයුම් විශිෂ්ටත්වය ඉදිරියට ගෙන යාම” යන මැයෙන් පැවති මෙම සමුළුවේදී, නූතන සැපයුම් කළමනාකරණ ක්ෂේත්‍රයේ අභියෝග, නව ප්‍රවණතා සහ තිරසාර සංවර්ධන අවස්ථා පිළිබඳව පුළුල් ලෙස සාකච්ඡා කෙරුණු අතර, එම අවස්ථාව සඳහා නාවික හා සාගරික විද්‍යාපීඨයේ ආඥාපති කොමදෝරු දිනේෂ් බණ්ඩාරගේ ආරාධනයෙන් ප්‍රධාන ආරාධිත අමුත්තා ලෙස නාවික හමුදාධිපති, වයිස් අද්මිරාල් කාන්චන බානගොඩ සහභාගි විය.

මැයි මස 19 වැනි දිනට යෙදුණු ජාතික රණවිරු සැමරුමට සමගාමීව, වැලිසර නාවික රණවිරු රැකවරණ මධ්‍යස්ථානයේ (Anchorage Naval Care Center) නේවාසිකව සිටින රණවිරුවන් හමුවීම සඳහා අද (2026 මැයි 22) නාවික හමුදාධිපති වයිස් අද්මිරාල් කාන්චන බානගොඩ සහභාගි විය.

ඉතාලි නාවික හමුදාවට අයත් “ITS GIOVANNI DELLE BANDE NERE” යුද නෞකාව සැපයුම් හා සේවා අවශ්‍යතා සපුරා ගැනීම සඳහා 2026 මැයි මස 21 වැනි දින දිවයිනට පැමිණි අතර, එම අවශ්‍යතාවයන් සපුරා ගැනීමෙන් පසුව අද (2026 මැයි 22) දිවයිනෙන් පිටත් විය. “ITS GIOVANNI DELLE BANDE NERE” නෞකාව වෙත ශ්‍රී ලංකා නාවික හමුදාව විසින් නාවික හමුදා සම්ප්‍රදායානුකූලව සමුදීම කොළඹ වරායේදී සිදු කෙරිණි.

ශ්‍රී ලංකා නාවික හමුදාව විසින් ක්‍රියාත්මක කරනු ලබන ‘නීල හරිත සංග්‍රාමය’ (Green and Blue Domain) සමුද්‍ර පරිසර පද්ධතිය සුරැකීමේ වැඩසටහනට සමගාමීව, ‘ක්ලීන් ශ්‍රී ලංකා’ (Clean Sri Lanka) වැඩසටහන යටතේ සාගර සහ වෙරළ කලාපයේ තිරසාර පැවැත්ම ප්‍රවර්ධනය කිරීමේ තවත් එක් වැඩසටහනක්, 2026 මැයි මස 19 වැනි දින ත්‍රීකුණාමලය නාවික තටාකංගනයේදී සාර්ථකව පැවැත්වීමට කටයුතු කෙරිණි.

ජාතික රණවිරු අනුස්මරන දිනය නිමිතිකොටගෙන, ආරක්‍ෂක නියෝජ්‍ය අමාත්‍ය මේජර් ජෙනරල් අරුණ ජයසේකර (විශ්‍රාමික) 2026 මැයි 19 දින අත්තිඩියේ පිහිටි ‘මිහිඳු සෙත් මැදුර’ රණවිරු පුනරුත්ථාපන මධ්‍යස්ථානයේ නිරීක්‍ෂණ චාරිකාවක නිරත විය.

ඉන්දීය ගුවන් හමුදා ප්‍රධානී එයාර් චීෆ් මාර්ෂල් අමර් ප්‍රීත් සිං (Air Chief Marshal Amar Preet Singh) අද (2026 මැයි 21) නාවික හමුදා මූලස්ථානයේදී, නාවික හමුදාධිපති වයිස් අද්මිරාල් කාන්චන බානගොඩ හමුවිය.

ශ්‍රී ලංකා නාවික හමුදාවේ තවත් සමාජ සත්කාර්යයක් ලෙස සංවිධානය කළ ලේ දන්දීමේ වැඩසටහනක් (01) උතුරු මැද නාවික විධාන රෝහල් පරිශ්‍රයේදී, 2026 මැයි මස 19 වැනි දින පැවැත්විණි.

2026 ජාතික රණවිරු දින සැමරුම් උළෙල, ශ්‍රී ලංකා ප්‍රජාතාන්ත්‍රික සමාජවාදී ජනරජයේ ජනාධිපති හා සන්නද්ධ හමුදා සේනාධිනායක ගරු අනුර කුමාර දිසානායක මැතිතුමාගේ ප්‍රධානත්වයෙන් සහ රණවිරු සේවා අධිකාරියේ සංවිධායකත්වයෙන් 2026 මැයි මස 19 වැනි දින බත්තරමුල්ල රණවිරු ස්මාරකය අභියස දී අභිමානවත්ව පැවැත්විණි.

‘මිත්‍රත්වයේ පාලම’ (Bridges of Friendship) තේමාව කර ගනිමින්, 2026 මැයි මස 15 වැනි දින ‘IOS SAGAR’ නාමයෙන් දිවයිනට පැමිණි ඉන්දීය නාවික හමුදාවට අයත් ‘INS SUNAYNA’ නෞකාව, 2026 මැයි මස 18 වැනි දින දිවයිනෙන් පිටත්ව යන ලද අතර, එම නෞකාව වෙත ශ්‍රී ලංකා නාවික හමුදාව විසින් නාවික හමුදා සම්ප්‍රදායානුකූලව සමුදීම, කොළඹ වරායේදී සිදු කෙරිණි.

‘මිත්‍රත්වයේ පාලම’ (Bridges of Friendship) තේමාව කරගත් ඉන්දීය නාවික හමුදාවට අයත් INS SUNAYNA’ නෞකාව රටවල් 17ක නැව් මුළුවකින් යුක්තව ‘IOS Sagar’ නාමයෙන් මුහුදු අදියර ආරම්භ කර, 2026 මැයි මස 15 වන දින කොළඹ වරායට පැමිණි අතර, මෙම නෞකාව, ශ්‍රී ලංකා නාවික හමුදාව විසින් නාවික හමුදා සම්ප්‍රදායානුකූලව කොළඹ වරායේදී පිළිගැනීම සිදුකෙරිණි.