2023 පෙබරවාරි මස 12 වන දින මොරටුවේ දී පැවති ස්පීඩ් ඇරෝස් පාපැදි ශූරතාවය - 2023 සඳහා සහභාගී වූ නාවික හමුදා පිරිමි පාපැදි කණ්ඩායම සමස්ථ තරඟාවලියේ අනුශූරතාවය දිනා ගැනීමට සමත් විය.

‘අන්තර් විධාන මලල ක්‍රීඩා තරඟාවලිය - 2023’ මෙවර උතුරු නාවික විධානයේදී 2023 පෙබරවාරි මස 11 සහ 12 යන දිනයන්හීදී සාර්ථකව පැවැත්වුණු අතර, එහි සමස්ථ පිරිමි ශූරතාවය බටහිර නාවික විධානයත්, සමස්ථ කාන්තා ශූරතාවය පුහුණු නාවික විධානයත් දිනාගැනීමට සමත් විය.

2023 පෙබරවාරි මස 11 වන දින කොළඔ, තුරඟ තරඟ පිටියේ පැවති 2023 - නිපෝන් දස සාමාජික කාන්තා රග්බි තරගාවලියේ CR&FC කාන්තා රග්බි කණ්ඩායම සමඟ පැවති තරඟයෙන් 34 - 0 ක් ලෙස විශිෂ්ඨ ජයක් ලබා ගැනීමට නාවික හමුදා කාන්තා රග්බි කණ්ඩායම සමත් විය.

‘අන්තර් විධාන මලල ක්‍රීඩා තරඟාවලිය - 2023’ මෙවර 2023 පෙබරවාරි මස 11 සහ 12 යන දිනයන්හීදී උතුරු නාවික විධානයේදී පැවැත්වෙන අතර, එහි මැරතන් ධාවන තරඟාවලිය, 2023 පෙබරවාරි මස 06 වන දින සාර්ථකව අවසන් විය.

2023 ජනවාරි මස 27 වන දින වැලිසර, ශ්‍රී ලංකා නාවික හමුදා රග්බි ක්‍රිඩා පිටියේදී පැවති 2023 - නිපෝන් රග්බි තරගාවලියේ ගුවන් හමුදා පිරිමි හා කාන්තා රග්බි කණ්ඩායම් සමඟ පැවති තරඟ වලින් විශිෂ්ඨ ජයක් ලබා ගැනීමට නාවික හමුදා පිරිමි හා කාන්තා රග්බි කණ්ඩායම් සමත් විය.

2023 ජනවාරි මස 22 වන දින කොළඔ ලොන්ග්ඩන් පෙදෙසෙහි පැවති 2023 - නිපෝන් දස සාමාජික කාන්තා රග්බි තරගාවලියේ සීආර්ඇන්ඩ්එෆ්සි කාන්තා රග්බි කණ්ඩායම සමඟ පැවති තරඟයෙන් 30 - 05 ක් ලෙස විශිෂ්ඨ ජයක් ලබා ගැනීමට නාවික හමුදා කාන්තා රග්බි කණ්ඩායම සමත් විය.

2023 ජනවාරි මස 20 වන දින බංගලාදේශයේ ඩකා අගනුවර පැවති කිලෝමීටර් 42 යි මීටර් 195 ක දුරක් දිවී‍මේ ‘DHAKA MARATHON - 2023’ කාන්තා මැරතන් තරඟය සඳහා ශ්‍රී ලංකාව නි‍යෝජනය කරමින් සහභාගි වූ නාවික හමුදා ක්‍රීඩිකා, නායක කාන්තා නැවි සුජානී මධුමාලී පෙරේරා, එම තරඟය පැය 02 යි විනාඩි 48 යි තත්පර 22 ක කාලයකින් අවසන් කර රිදී පදක්කමක් දිනා ගනිමින් ශ්‍රී ලංකා නාවික හමුදාවටත්, මව්බිමටත් ඉමහත් කීර්තියක් ගෙන දීමට සමත් විය.

2023 ජනවාරි මස 17 සහ 18 යන දිනයන්හීදී පනාගොඩ යුද හමුදා ක්‍රීඩාංගණයේදී 12 වන ආරක්‍ෂක සේවා දුනු විදීමේ තරගාවලිය සාර්ථකව නිමාවට පත්වූ අතර, එහිදී නාවික හමුදා පිරිමි දුනු විදීමේ කණ්ඩායම ආරක්‍ෂක සේවා දුනුවිදීමේ සමස්ථ ශූරතාවය දිනාගත් අතර, නාවික හමුදා කාන්තා දුනුවිදීමේ කණ්ඩායම කාන්තා අනුශූරතාවය දිනාගන්නා ලදි.

2023 ජනවාරි මස 12 සහ 13 යන දෙදින කටුනායක ගුවන් හමුදා කඳවුරේ ගෘහස්ථ ක්‍රිඩාංගනයේදී පැවති 12 වන ආරක්‍ෂක සේවා කබඩි තරඟාවලියේදී නාවික හමුදා කාන්තා කබඩි කණ්ඩායම ශූරතාවය දිනා ගැනීමට සමත් විය.

ත්‍රිකුණාමලය, නාවික හා සාගරික විද්‍යාපීඨය මඟින් තෙවන වරටත් සංවිධානය කරන ලද ‘Commandant’s Cup Sailing Regatta - 2023’ රුවල් යාත්‍රා තරඟාවලිය, 2023 ජනවාරි මස 09 වන දින සිට 11 වන දින දක්වා ත්‍රිකුණාමලය, ඇතුල් වරාය මුහුදු තීරයේදී සාර්ථකව පවත්වන ලද අතර, තරගාවලියේ ජයග්‍රාහකයින් වෙත පදක්කම් සහ කුසලාන පිරිනැමීම අද දින (2023 ජනවාරි 11) නාවික හමුදාධිපති, වයිස් අද්මිරාල් ප්‍රියන්ත පෙරේරා ‍ගේ ප්‍රධානත්වයෙන් ත්‍රිකුණාමලය, නාවික තඨාකාංගණයේ කොමාණ්ඩර් ශාන්ති බහාර් අනුස්මරණ රුවල් යාත්‍රා සමාජයේදී පැවැත්විණි.