‘අන්තර් විධාන හෑන්ඩ් බෝල් තරඟාවලිය - 2024’ ශ්‍රි ලංකා නාවික නෞකා පණ්ඩුකාභය ආයතනයේ ක්‍රීඩා පිටියේදී, 2024 අප්‍රේල් මස 03 වන දින සිට 06 වන දින දක්වා පැවැත්වුණු අතර, එහි පිරිමි ශූරතාවය පුහුණු විධානයත්, කාන්තා ශූරතාවය බටහිර නාවික විධානයත් හිමි කර ගන්නා ලදි.

2024 අප්‍රේල් මස 05 වන දින කොළඹ, නවලෝක ක්‍රීඩාංගණයේ පැවති ‘75th Mr. Sri Lanka – 2024’ කායවර්ධන තරඟාවලියේදී, නාවික හමුදා කායවර්ධන ක්‍රීඩකයින් ජයග්‍රහණ රැසක් දිනා ගැනීමට සමත් විය.

2024 මාර්තු මස 25 වන දින සිට 28 වන දින දක්වා බොරැල්ල, ‍රෝයල් කලම්බෝ ගොල්ෆ් ක්ලබ් (Royal Colombo Golf Club – Borella) හි පැවති SLG Golf National Ranking තරඟාවලියේ ප්‍රථම ස්ථානය දිනා ගැනීමට නාවික හමුදා ගොල්ෆ් ක්‍රීඩක සාමාන්‍ය නැවි චලිත පුෂ්පික සමත් විය.

ශ්‍රී ලංකා මෝටර් රථ සහ යතුරුපැදි ධාවකයින්ගේ සංගමය සහ ශ්‍රී ලංකා යුද හමුදා විජයබාහු රෙජිමේන්තුව මඟින් සංවිධානය කරන ලද ‘විජයබාහු මෝටර් ක්‍රොස් - 2024’ තරඟාවලිය, 2024 මාර්තු මස 31 වන දින කුරුණෑගල, බෝයගනේ යුද හමුදා ධාවන පථයේදී පැවති අතර, එහිදී යතුරු පැදි අංශයේ ජයග්‍රහණ හිමි කර ගැනීමට නාවික හමුදා ක්‍රීඩකයින් සමත් විය.

‘අන්තර් විධාන මුෂ්ඨි ප්‍රහාරක ශුරතාවලිය -2024’, 2024 මාර්තු මස 26 වන දින සිට 30 වන දින දක්වා වැලිසරදී පැවත්වුණු අතර, එහිදී පිරිමි සහ කාත්නා ශුරතා පුහුණු විධානය විසින් දිනා ගැනිමට සමත් විය.

ශ්‍රී ලංකා නාවික හමුදා අන්තර් විධාන ක්‍රිකට් තරඟාවලිය - 2024 හි අවසන් මහා තරඟය 2024 මාර්තු මස 28 වන දින වැලිසර නාවික හමුදා ක්‍රිකට් ක්‍රීඩාංගණයේදී නාවික හමුදා අධ්‍යක්‍ෂ ජෙනරාල් විදුලි හා විද්‍යුත් ඉංජිනේරු රියර් අද්මිරාල් විරාජ් ලීලාරත්න ගේ ප්‍රධානත්වයෙන් පැවති අතර, එහි ශූරතාවය බටහිර නාවික විධානය විසින් දිනාගැනීමට සමත් විය.

08 වන නාවික හමුදා විවෘත වෙඩි තැබීමේ තරඟාවලිය - 2024, වැලිසර, නාවික හමුදා වෙඩි තැබීමේ සංකිර්ණයේදී 2024 මාර්තු මස 16 වන දින සිට 2024 මාර්තු මස 22 වන දින දක්වා පවත්වන ලද අතර, එහිදි ජයග්‍රහණ රැසක් හිමිකර ගැනීමට ශ්‍රී ලංකා නාවික හමුදා වෙඩි තැබීමේ සංචිතය සමත් විය.

ශ්‍රී ලංකා ජාතික කැනෝයි හා කායක් සංගමය (National Association of Canoeing and Kayak Sri Lanka – NACKSL) විසින් ඉන්දියානු කැනෝයි හා කායක් සංගමය (Indian Kayaking and Canoeing Association – IKCA) හා එක්ව, 2024 අප්‍රේල් මස 10 සහ 11 යන දිනයන්හීදී තලෙයිමන්නාරමේ සිට ඉන්දියාවේ ධනුෂ්කොඩි දක්වා පැවැත්වීමට නියමිත මුහුදු කායකින් තරඟාවලියට (Indo Sri Lanka Annual Canoeing Sprint – 2024) සමගාමීව කායක් පුහුණු සැසියක් අද දින (2024 මාර්තු 23) තලෛයිමන්නාරමට ඔබ්බෙන් වූ මුහුදු තීරයේදී පැවැත්විණි.

2024 මාර්තු මස 10 වන දින සිට 13 වන දින දක්වා මහරගම ජාතික තරුණ මධ්‍යස්ථානයේදී පැවති 18 වැනි ජාතික වුෂු ශූරතාවලියේදී, නාවික හමුදා ක්‍රීඩක ක්‍රීඩිකාවන් ජයග්‍රහණ රැසක් දිනා ගැනීමට සමත් විය.

අන්තර් විධාන සය සාමාජික සැහැල්ලු පන්දු කාන්තා ක්‍රිකට් තරඟාවලිය, 2024 මාර්තු මස 10 සහ 11 යන දිනයන්හීදී නාවික හමුදා ක්‍රිකට් කමිටුවේ සභාපති රියර් අද්මිරාල් ඩේමියන් ප්‍රනාන්දු ගේ ප්‍රධානත්වයෙන් නාවික හමුදා ක්‍රිකට් ක්‍රීඩාංගණයේදී පැවති අතර, තරඟාවලියේ ශූරතාවය දකුණු නාවික විධානය විසින් දිනාගැනීමට සමත් විය.