ක්‍රීඩා පුවත්

12 වන ආරක්‍ෂක සේවා බර ඉසිලීමේ ශූරතාවය නාවික හමුදාව දිනා ගනියි

2022 දෙසැම්බර් මස 22 වන දින පොළොන්නරුව ජාතික ගෘහස්ථ ක්‍රීඩා සංකීර්ණයේ පැවති 12 වන ආරක්‍ෂක සේවා බර ඉසිලීමේ තරඟාවලියේදී පිරිමි හා කාන්තා බර ඉසිලීමේ ශූරතාවය නාවික හමුදාව විසින් දිනා ගැනීමට සමත් වූ අතර, තරඟාවලියේ හොඳම බර ඉසිලීමේ ක්‍රීඩකයාට හිමි කුසලානය, පොදු රාජ්‍ය මණ්ඩලීය බර ඉසිලීමේ පදක්කම්ලාභී නාවික හමුදා ක්‍රීඩක, නායක නැවි ඩීඑම්අයිසී දිසානායක විසින් හිමි කර ගන්නා ලදී.

23 Dec 2022

සීතාදේවි සය සාමාජික හොකී තරඟාවලිය - 2022 හි පිරිමි ‘ඒ’ කාණ්ඩ‍යේ ශූරතාවය නාවික හමුදාව දිනා ගනියි

මහනුවර සීතාදේවි කාන්තා විද්‍යාලය සහ සීතාදේවි ක්‍රීඩා සමාජය එක්ව සංවිධානය කරන ලද, සීතාදේවි සය සාමාජික හොකී තරඟාවලිය - 2022, මහනුවර අස්ගිරිය ජාත්‍යන්තර ක්‍රීඩාංගණයේදී 2022 දෙසැම්බර් මස 17 සහ 18 දිනයන්හීදි සාර්ථකව පැවැත්වුනු අතර, එම තරඟාවලියේ පිරිමි ‘ඒ’ කාණ්ඩයේ ශූරතාවය හිමි කර ගැනීමට නාවික හමුදා ‘ඒ’ කණ්ඩායම සමත් විය‍.

23 Dec 2022

12 වන ආරක්‍ෂක සේවා මේස පන්දු තරඟාවලියේදී පිරිමි අංශයේ කණ්ඩායම් ශූරතාවය නාවික හමුදාව දිනා ගනියි

2022 දෙසැම්බර් මස 14, 15 සහ 16 වන දින වැලිසර, කොමාණ්ඩර් පරාක්‍රම සමරවීර අනුස්මරණ ගෘහස්ත ක්‍රීඩාංගණයේ පැවති 12 වන ආරක්‍ෂක සේවා මේස පන්දු තරඟාවලිය නාවික හමුදා අධ්‍යක්‍ෂ ක්‍රීඩා කොමදෝරු රොෂාන් අතුකෝරළ ගේ ප්‍රධානත්වයෙන් පැවති අතර, එහිදී නාවික හමුදා ක්‍රීඩක ක්‍රීඩිකාවන් ජයග්‍රහණ රැසක් දිනා ගනිමින් තරඟාවලියේ පිරිමි අංශයේ කණ්ඩායම් ශූරතාවය දිනාගැනීමට සමත් විය.

19 Dec 2022

06 වන ජාතික වේග හබල් ඔරු යාත්‍රා තරඟාවලිය - 2022 හි සමස්ථ විවෘත පිරිමි අනුශූරතාවය නාවික හමුදාවට

ජාතික වේග හබල් ඔරු යාත්‍රා තරඟාවලිය - 2022 ජාතික වේග හබල් ඔරු යාත්‍රා සංචිතයේ සභාපති, රොහාන් ප්‍රීතිවිරාජ් පෙරේරා මහතා ගේ ප්‍රධානත්වයෙන් 2022 දෙසැම්බර් මස 16 සහ 17 යන දිනයන්හීදී බත්තරමුල්ල, දියවන්නා ඔයෙහි පැවැත්වූ අතර, එහිදි සමස්ථ විවෘත පිරිමි අනුශූරතාවය හිමි කර ගැනීමට නාවික හමුදා පිරිමි වේග හබල් ඔරු කණ්ඩායම සමත් විය.

19 Dec 2022

රාජ්‍ය සේවා කාන්තා දැල් පන්දු තරඟාවලිය - 2022 හි ‘ඒ’ අංශයේ ලීග් ශූරතාවය නාවික හමුදා කණ්ඩායම දිනා ගනියි

2022 දෙසැම්බර් මස 08 සහ 09 යන දිනයන්හීදී ‍කොළඔ, බොරැල්ල දුම්රිය ක්‍රිඩාංගනයේ පැවැති රාජ්‍ය සේවා කාන්තා දැල් පන්දු තරඟාවලිය - 2022 තරඟාවලියේදී පොලිස් කණ්ඩායම හා ගුවන් හමුදා කණ්ඩායම පරාජය කරමින් තරඟාවලියේ ‘ඒ’ අංශයේ ලීග් ශුරතාවය දිනා ගැනීමට නාවික හමුදා කණ්ඩායම සමත් විය.

12 Dec 2022

“Dr Nihal Jinasena Memorial Cup annual Sailing Regatta - 2022” රුවල් ඔරු තරඟාවලියේදී නාවික හමුදා ක්‍රීඩකයන්ට ජයග්‍රහණ රැසක්

“Dr Nihal Jinasena Memorial Cup annual Sailing Regatta - 2022” රුවල් ඔරු තරඟාවලිය 2022 දෙසැම්බර් මස 03 වන දින වැලිගම, මිරිස්ස කප්පරතොට මුහුදු තීරයේදී සාර්ථකව පැවැත්වුනු අතර, එහිදී ජයග්‍රහණ රැසක් හිමි කර ගැනීමට නාවික හමුදා රුවල් ඔරු කණ්ඩායම සමත් විය.

05 Dec 2022

අන්තර් විධාන තුන්ප්‍රයාම තරඟාවලිය - 2022 සාර්ථකව නිමාවට පත්වේ

නාවික හමුදා අන්තර් විධාන තුන්ප්‍රයාම තරඟාවලිය - 2022 අද (2022 නොවැම්බර් 26) දික්ඕවිට හා උස්වැටකෙයියාව වෙරළ ප්‍ර‍දේශය කේන්ද්‍ර කර ගනිමින් පැවත්වුනු අතර, එහිදී පිරිමි අංශයේ ශූරතාවය උතුරු නාවික විධානය විසින්ද, කාන්තා අංශයේ ශූරතාවය බටහිර නාවික විධානය විසින්ද දිනා ගන්නා ලදී.

27 Nov 2022

12 වන ආරක්ෂක සේවා මල්ලවපොර තරඟාවලියේදී පිරිමි සම ශූරතාවය සහ කාන්තා අනුශූරතාවය නාවික හමුදාව දිනාගනියි

2022 නොවැම්බර් මස 22 සිට 24 දක්වා පනාගොඩ යුද හමුදා කඳවුරු පරිශ්‍රයේදී පැවැත්වූණු 12 වන ආරක්‍ෂක සේවා මල්ලවපොර තරඟාවලියේදී ජයග්‍රහණ රැසක් දිනා ගනිමින්, තරඟාවලියේ පිරිමි අංශයේ සම ශූරතාවය ගුවන් හමුදාව සමඟ දිනාගැනීමට නාවික හමුදා පිරිමි මල්ලවපොර කණ්ඩායම සමත් වූ අතර, කාන්තා අංශයේ අනුශූරතාවය නාවික හමුදා කාන්තා මල්ලවපොර කණ්ඩායම් විසින් දිනාගැනිමට සමත්විය.

25 Nov 2022

අන්තර් විධාන පිහිණුම් හා දිය පන්දු තරගාවලියේ සමස්ථ ශූරතාවයන් පුහුණු විධානය දිනාගනියි

නාවික හමුදා අන්තර් විධාන පිහිණුම් හා දිය පන්දු තරගාවලිය -2022, වැලිසර ශ්‍රී ලංකා නාවික නෞකා ගැමුණු ආයතනයේ පිහිණුම් තඨාකයේ දී 2022 නොවැම්බර් මස 17 සිට 19 දක්වා සාර්ථකව පැවැත්වුනු අතර, එහිදී, පිරිමි සහ කාන්තා ශූරතාවයන් පුහුණු විධානය විසින් දිනා ගන්නා ලදී.

20 Nov 2022

2022 ජාතික බර ඉසිලීමේ තරඟාවලියේදී නව තරඟ වාර්තාවක් සමඟින් ජයග්‍රහණ රැසක් දිනා ගැනීමට නාවික හමුදාව සමත් වෙයි

2022 නොවැම්බර් මස 10 සිට 13 දක්වා පොළොන්නරුව ජාතික ක්‍රීඩා සංකීර්ණයේදී පැවැත්වුණු 2022 ජාතික බර ඉසිලීමේ තරඟාවලියේදී ජයග්‍රහණ රැසක් දිනා ගනිමින්, කාන්තා බර ඉසිලීමේ සමස්ථ ශූරතාවය නාවික හමුදා කාන්තා බර ඉසිලීමේ කණ්ඩායමත් එහි පිරිමි අංශයේ අනුශූරතාවය නාවික හමුදා පිරිමි බර ඉසිලීමේ කණ්ඩායමත් දිනාගත් අතර, එහිදී පොදු රාජ්‍ය මණ්ඩලීය පදක්කම්ලාභී නායක නැවි ඩීඑම්අයිසී දිසානායක ස්නැච් ක්‍රමය යටතේ කිලෝ ග්‍රෑම් 136 ක බරක් ඔසවමින් ඔහු විසින්ම මීට පෙර තබා තිබූ තරඟ වාර්තාව අළුත් කිරීමට සමත්විය.

15 Nov 2022